கோதுமைரவை உப்புமா

கோதுமைரவை உப்புமா

சாதாரண ரவையில் செய்யும் உப்புமாவை விட இது சுவையானதாகவும் ஆரோக்கியமானதாகவும் இருக்கிறது.
எனக்கு மிகவும் பிடித்திருந்தது.அதனால் உங்களுடன் பகிர்ந்து கொள்கிறேன் :)

தேவையான பொருட்கள் :

கோதுமை ரவை - 1 கப்
வெங்காயம் - 1
பால் - 1/2 கப்
கடுகு - 1 ஸ்பூன்
வரமிளகாய் - 2
கடலைபருப்பு - 2 ஸ்பூன்
முந்திரி - 5
கறிவேப்பிலை - 1கொத்து
உப்பு - 1 ஸ்பூன்
எண்ணெய் / நெய் - 1 கரண்டி

செய்முறை :

1.வெங்காயத்தை மெல்லியதாக நறுக்கி கொள்ளவும்.
2.பானில் எண்ணெய்/நெய் ஊற்றி சூடானதும் வெங்காயம் உப்பு சேர்த்து வதக்கவும்.பின்னர் கடுகு, வரமிளகாய், கடலைபருப்பு, முந்திரி, கறிவேப்பிலை சேர்க்கவும்.

2. எல்லாம் பொன்னிறமாக வதங்கியதும் 1 கப் தண்ணீர்,1/2 கப் பால் சேர்த்து கொதிக்க விடவும்.பின்னர் ரவையை சேர்க்கவும்.

3. மூடி போட்டு நீர் வற்றும் வரை வேக விடவும்.

4. சூடான கோதுமைரவை உப்புமா தயார்.

சட்னி சாம்பாருடன் சாப்பிடலாம்.
இட்லி பொடி தூவி சாப்பிட்டாலும் நன்றாக இருக்கும்.